Në një botë ku shumica e markave garojnë për të pasur produktin më të mirë, Nike e kuptoi diçka që të tjerët nuk e panë: njerëzit nuk blejnë atlete — ata blejnë ndjesinë

 Më Shumë se një Slogani: “Just Do It” si një Thirrje Universale

Kur Nike prezantoi “Just Do It” në fund të viteve ‘80, tregu ishte i mbushur me kompani që flisnin për teknologjinë e atleteve, materialet inovative dhe çmimet.
Nike zgjodhi një rrugë tjetër. Ata zgjodhën të flasin me shpirtin e sportistit.
“Just Do It” nuk flet për produkte. Flet për frikën, për guximin, për vendosmërinë. Flet për çdo njeri që ka menduar ndonjëherë të dorëzohet… por nuk e ka bërë.

Heroi nuk është produkti — është përdoruesi.

Nike nuk e ka pozicionuar kurrë veten si lider teknologjik në reklamat e saj.

Përkundrazi, ajo ka vendosur në qendër të vëmendjes njerëzit — ata të zakonshëm që përpiqen çdo ditë dhe atletët e jashtëzakonshëm që sfidojnë kufijtë. Në reklamat e saj, shohim vrapues që ngrihen herët në mëngjes për të thyer rekorde personale, futbollistë që luftojnë me dëmtime për të rikthyer veten.

Në çdo mesazh, Nike u flet atyre duke thënë: Ky je ti. Dhe ti mundesh.

Ndjenja e inspirimit.

Nike ndërtoi diçka më shumë sesa një brand, krijoi një komunitet. Këtë e arriti përmes organizimit të eventeve sportive që i bën njerëzit të ndihen pjesë e diçkaje më të madhe, bashkëpunimeve me figura frymëzuese si Michael Jordan dhe Serena Williams, si dhe fushatave sociale që sfidojnë botën, ndër të cilat spikat “Dream Crazy” me Colin Kaepernick.

Këto nuk ishin thjesht fushata marketingu. Ishin deklarata identiteti që lidhnin njerëzit me vlerat e Nike.

Arti i Storytelling.

Nike nuk ka zgjedhur kurrë të shesë thjesht produkte. Ajo ka treguar histori, histori që prekin emocionet, nxisin veprimin dhe lidhen drejtpërdrejt me vlerat personale të audiencës. Kjo është arsyeja pse njerëzit i veshin produktet e Nike edhe jashtë ambienteve sportive. Sepse ato nuk janë vetëm atletet ose bluzat e zakonshme; janë simbole të përpjekjes, vullnetit dhe vetëbesimit.

Nike nuk është thjesht për sportistët profesionistë.
Është për këdo që vendos të lëvizë, të përmirësohet, të mos heqë dorë.

Në fund të ditës, ajo që ne mbajmë veshur nuk është vetëm një palë atlete.
Është një ide, një ndjenjë, një pjesë e identitetit tonë.

Kjo është fuqia e të ndërtuarit një brand rreth emocionit — dhe Nike e ka bërë këtë më mirë se kushdo tjetër.